អ្នកស្រី សុខ ស្រីពៅ | ម្ចាស់កសិដ្ឋានចិញ្ចឹមសត្វ

By: wbfinance-admin0 comments

អ្នកស្រី សុខ ស្រីពៅ​    ម្ចាស់កសិដ្ឋានចិញ្ចឹមសត្វ

អ្នកស្រី សុខ ស្រីពៅ បានបញ្ជាក់ប្រកបដោយភាពជឿជាក់ថា ប្រាក់កម្ចីទី1 ពីគ្រឹះស្ថានមីក្រូហិរញ្ញវត្ថុ ដាប់ប៊ែលយូប៊ី ហ្វាយនែន បានជួយខ្ញុំចាប់ផ្តើមមុខរបរចិញ្ចឹមសត្វ ។ ប្រាក់កម្ចីទី2 បានជួយខ្ញុំជួសជុលផ្ទះឈើ រីឯប្រាក់កម្ចីទី3 បានជួយខ្ញុំបង្កើនចំនួនគោ និមាន់នៅក្នុងកសិដ្ឋានរបស់ខ្ញុំ។ គ្រាន់តែគោពីរក្បាលប៉ុណ្ណោះ អាចឱ្យខ្ញុំរកប្រាក់ចំណូលបានពី 13 លានរៀល ដល់ 14 លានរៀល (ប្រមាណ​ 2,350-3,500 ដុល្លារអាមេរិក) ក្នុងមួយឆ្នាំ។ តើអ្នកអាចទាយបានទេថាខ្ញុំមានគោចំនួនប៉ុន្មានក្បាលឥឡូវនេះ ដោយមិនរាប់បញ្ចូលសត្វមាន់រាប់រយក្បាលផ្សេងទៀតរបស់ខ្ញុំ?

ជាស្ត្រីដែលមានភាពឧស្សាហ៍ព្យាយាមម្នាក់ អ្នកស្រី សុខស្រីពៅ មានអាយុ 36 ឆ្នាំរស់នៅភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល។ អ្នកស្រី មានស្វាមីឈ្មោះមឿន ម៉ុន អាយុ 36 ឆ្នាំ និងមានកូនស្រីម្នាក់អាយុ 11 ​ឆ្នាំ ដែលកំពុងសិក្សានៅថ្នាក់ទី6។

អ្នកស្រី ជាបុគ្គលិកបម្រើការងារនៅក្នុងមន្ទីរពិសោធន៍របស់ក្រុមហ៊ុនឳសថមួយកន្លែង ប៉ុន្តែអ្នកស្រី មានបំណងចង់ស្វែងរកប្រភពចំណូលបន្ថែមទៀត ដើម្បីឱ្យគ្រួសារមានជីវភាពប្រសើរជាងមុន។ ហេតុដូច្នេះហើយ អ្នកស្រី និងស្វាមី បានសម្រេចចិត្តស្នើសុំ កម្ចីលើកដំបូងមួយគ្រឹះស្ថានមីក្រូហិរញ្ញវត្ថុ ដាប់ប៊ែលយូប៊ី ហ្វាយនែន ដើម្បីចាប់ផ្តើមមុខរបរចិញ្ចឹមសត្វ គឺចិញ្ចឹមគោ និងមាន់សម្រាប់លក់ឱ្យទីផ្សារក្នុងស្រុក។ អ្នកស្រី បានចាប់ផ្តើមជាមួយនឹង កម្ចីដំបូងចំនួន 2,000 ដុល្លារអាមេរិក ពីដាប់ប៊ែលយូប៊ី ហ្វាយនែន ដើម្បីទិញគោចំនួន 3 ក្បាល និងមាន់មួយចំនួន។ ស្វាមីរបស់អ្នកស្រី ក៏បានលាឈប់ពីការងារជាកម្មកររោងចក្រហើយមកផ្តោតលើមុខរបរចិញ្ចឹមសត្វនេះវិញ។

អ្នកស្រី ក៏បានបន្តទៀតថា កាលពីមុនប្រើប្រាស់កម្ចី ចំណូលគ្រួសាររបស់ខ្ញុំជាមធ្យមប្រហែល 30,000 រៀល (ប្រមាណ 7.50 ដុល្លារអាមេរិក) ក្នុងមួយថ្ងៃ ប៉ុន្តែឥឡូវនេះ ប្រាក់ចំណូលប្រចាំថ្ងៃជាមធ្យមរបស់ខ្ញុំយ៉ាងហោចណាស់ 60,000 រៀល (ប្រមាណ 15 ដុល្លារអាមេរិក) ហើយឥឡូវនេះ យើងមានម៉ូតូ 3 គ្រឿងសម្រាប់សមាជិកគ្រួសារ។

ដោយមើលឃើញថា កម្ចីដំបូងទទួលបានជោគជ័យ អ្នកស្រី ក៏បានស្នើសុំ កម្ចីទី2 ចំនួន 3,000 ដុល្លារអាមេរិក ដើម្បីកែលម្អគេហដ្ឋានរបស់អ្នកស្រី។ ជាលទ្ធផល អ្នកស្រី មានផ្ទះឈើសមរម្យមួយសម្រាប់ក្រុមគ្រួសារ។ បន្ទាប់មកនាឆ្នាំ 2019 អ្នកស្រី បានសម្រេចចិត្តស្នើសុំកម្ចីទី3​ ចំនួន 6,000 ដុល្លារអាមេរិក ដើម្បីបន្ថែមចំនួនទ្រុងសម្រាប់សត្វគោ និងមាន់របស់អ្នកស្រី។ បច្ចុប្បន្ន អ្នកស្រីមានគោចំនួន ១៣ ក្បាល និងមាន់រាប់រយក្បាល ដែល ជួយឱ្យគ្រួសាររបស់អ្នកស្រីទទួលបានប្រាក់ចំណូលល្អ និងមានជីវភាពធូរធារជាងមុនច្រើន។ ជាពិសេស អ្នកស្រីនៅតែបន្តបម្រើការងារ និងទទួលបានប្រាក់បៀវត្សពីក្រុមហ៊ុនឳសថជាធម្មតា។

អ្នកស្រី និងស្វាមី មានសេចក្តីត្រេកអរជាខ្លាំងចំពោះការផ្លាស់ប្តូរជីវភាពរស់នៅក្នុងគ្រួសារ ។ អ្នកស្រីបានថ្លែងអំណរគុណយ៉ាងជ្រាលជ្រៅចំពោះគ្រឹះស្ថានមីក្រូហិរញ្ញវត្ថុ ដាប់ប៊ែលយូប៊ី ហ្វាយនែន ដែលបានផ្តល់ឱកាស និងបានត្រួសត្រាយផ្លូវឆ្ពោះទៅរកភាពជោគជ័យនេះ។

Related post

Leave A Comment